Opisyal han BuCor gin-ambush ha Leyte, 3 patay

Abuyog, LEYTE – Ginpa-uranan han bala hin pusil an behikulo nga ginsasakyan Ni Outgoing Leyte Regional Prison Superintendent Geraldo Aro ha Brgy. Cadac-An Abuyog, Leyte kanina han alas 11 han aga.

Ha report han Leyte Police Provincial Office, nahinabo an ambush pira la kaminuto an nakalabay matapos an Turn-Over Ceremony para han bag-o nga mamamangulo han mao nga Regional Prison.

Ha sakob han service vehicle in mga personnel han LRP.


Ha latest report, tulo an patay nga ginkilala nga hira Correction Officer CO1. Randy Pantano, CO3. Nelson Padagdag ngan hi Executive Secretary Jelanie Almario.

Ha interview han RMN kan Leyte PNP Information Officer Psupt. Albert Renomeron, tikadto unta hi Supt. Aro ngan mga upod hini ha Tacloban Airport.

“Initial investigation nga tikadto na ha airport ini hira prior to the incident kay Outgoing naman gud hiya. So pag-abot ha Cadac-an nahinabo an insidente more or less 10KMS away from LRP.”

Sumala han report, sakay han duha nga van an mga suspek ngan ginblocked an sarakyan nira Aro para diri maka-agi ngan didto na ginpa-uranan hin bala han pusil an sarakyan.

Padayon nga ginbubulong hi Supt. Aro.

Nagpapadayon naman liwat an follow-up operations an mga kapulisan agud mahibaruan kun hin-o an nagpapaluyo hini nga ambush.

An sumaliwan kan Aro ha LRP in hi Corrections Chief Superintendent Danilo Dador.

Facebook Comments