South Cotabato – Gibalhin na ngadto sa South Cotabato Rehabilitation and Detention center ang opisyal sa New People’s Army (NPA) nga una nang nasikop sa gihimong operasyon sa hiniusang pwersa sa Surallah Municipal Police Station, South Cotabato Mobile Force Company ug 27th IB, Philippine Army sa Zone 1, Barangay Libertad Surallah South Cotabato alas-9:00 sa gabie niadtong Setyembre 24, 2018.
Giila nag suspek nga si Ofelia Buanho alyas “Mommy Dikay” 55-anyos, residente sa Kilometer 82, Bansalan, Davao Del Sur.
Si Buanho ang gikaingong secretary sa Guerilla Front 73 sa NPA nga naglihukan matud pa sa kabukirang bahin sa South Cotabato.
Aduna kini standing warrant of arrest sa kasong rebellion ug frustrated murder.
Nasayran nga gilayong nagpagawas ug commitment order ang korte maong nabalhin gilayon ang nasangpit ngadto sa South Cotabato Rehabilitation and Detention Center.
