General Santos City–Nanawagan si Police Lieutenant Col. Jose Marie Simangan, labaw sa General Santos City Mobile Force Company sa tanang mga nanimuyo sa syudad nga magpabiling makalmahaon luyo paman sa pagkasikop sulod sa syudad sa duha ka mga babae nga gika ingong supporters sa ISIS-inspired group niadtong milabay nga adlaw.
Sumala pa ni P/Lt. Col. Simangan nga ang kapulisan ug kasundalohan ang kontrolado ang sitwasyon sa syudad hinungdan nga walay angay kabalak-an ang katawhan, labaw sa tanan gipaningkamotan nila magpabilin ang kahapsay ug kalinaw sa syudad.
Aduna na matud pay ginabuhat nga preventive measures karon ang otoridad aron nga malikayan nga makasulod ang bomba.
Dugang pa ni P/Lt Col simnagan nga angayang mamahimong alerto ang mga Generals ug gilayon nga isumbong ngadto sa kapulisan kung ugaling adunay namatikdan nga mga makadudahang tao nga bag-o sa ilahang lugar tungod ang pag bantay matud pa sa kahapsay ug kalinaw ang dili lang trabaho sa pulis ug sundalo sanglit responsibilidad usab kini sa kumunidad. (Dave Silagan)
