General Santos City–Gibarugan ni Police Sr. Inspector Romeo Albano, Deputy Chief Of Police sa Polomolok Municipal Police Station nga walay ni bisag usa nga miyembro sa ilang intel operatives ang adunay poor performance.
Kini ang gipaniguro sa opisyal human ubay-ubay nang intel operatives gikan sa managlahing police station sa South Cotabato ang gi-relieve sa bag-ong PNP Provincial Director nga si Police Sr. Supt. Joel Limson gumikan sa poor performance.
Gipasigarbo pa sa opisyal nga ang Polomolok PNP ang usa sa mga police station sa probinsya nga adunay pinakadaghang accomplishment sa kampanya batok iligal nga droga, sugal ingon sa kriminalidad.
Samtang gipaniguro usab ni PSI Romeo Albano nga walay mga pulis nga gadawatan ug payola sa iligal nga sugal sa lungsod sa Polomolok sama niining last two.
Usa ka pamatuod niini ang sunod-sunod nilang operasyon batok iligal nga sugal sa lungsod.
Nasayran nga gawas sa iligal nga droga wala usab nila ginapasagdan ang pagkuyanap sa iligal nga sugal hilabi na ang last two.
