Davao City – Gihaya karon sa St. Peter’s Panacan si 1LT Jarren Relota ang commanding officer sa 16th Infantry Battalion kinsa napatay atol sa pagbusikad sa landmine nga gitanom sa New People’s Army didto sa Brgy. Mapula, Paquibato District ning syudad sa Davao niadtong adlawng Huwebes.
Sa interbyu sa DXDC RMN Davao kang Joint Task Force Haribon Commander MGen. Noel Clement, ihatod si Relota sa iyang ipamilya sa San Jose, Antique karong adlawng Dominggo sakay sa C130.
Giandam na ang mga assistance nga itunol ngadto sa pamilya sa napatay nga opisyal.
Kagahapon, gipailawom og autopsy ang patayng lawas sa biktima subay sa request sa iyang mga tagtungod.
Segun ni Clement nga magpadayon ang ilang pag-conduct og military operations sa komunidad aron matapos na ang mga aktibidad sa NPA.
Kahinumduman nga napatay si Relota atol sa ilang pagresponde sa report nga adunay presensya sa NPA sa maong lugar.
Gipaulanan ug bala ang ilang grupo ug gipabuthan og landmine laing duha pa ka kaubanan niini ang samdan nga sila CPL. Josua de Jesus ug PFC Geraldo Masslang.
Nibisita kagahapon sa Metro Davao Medical and Research Center si Davao City Mayor Sara Duterte-Carpio sa mga samdang sundalo kinsa anaa na karon sa luwas nga kahimtang.
RadyoMaN Aimee Guinita
