Nagsungka ang isa ka mataas nga opisyal sang Southern Front Komiteng Rehiyon Panay sang CPP-NPA sa 61st Infantry Battalion sang Philippine Army sa Camp Monteclaro sa banwa sang Miag-ao, Iloilo.
Ginkilala ang nagsungka nga rebelde nga si alyas Cardo, 49 anyos sang banwa sang Tubungan, Iloilo pinaagi sa bulig ni SFO3 Russel Gotera sang Bureau of Fire Protection kag gin-facilitate ni Mayor Roquito Tacsagon sang Tubungan.
Ginpahayag ni Lt. Col. Joel Beneict Batara, commanding officer sang 61st IB nga nagsurrender si alyas Cardo matapos marealisar sini nga makapaayo sa iya pamilya ang pagbalik sa sabak sang gobyerno.
Bangud sini, pagabuligan sang 61st IB si alyas Cardo nga mag-enroll sa Enhanced Comprehensive Local Integration Program ukon E-CLIP kag makabaton sang bulig sa LGU pinaagi sa Project ROKIT
