Makilala, North Cotabato–Mipadayag sa iyang dakong pasalamat si brgy Kisante, Makilala, SK Chairman Jose Limbaga sa Rmn Gensan og mga pribadong indibidwal nga mihatod og hinabang sa ilahang barangay sa Makilala, Cotabato kagahapong adlawa.
Kahibaluan nga uban ang RMN Staff gihatud na ang unang batch sa mga donations nga natigom sa RMN og sa mga tigpaminaw sa simbyahanan kagahapon sa buntag.
Sumala ni Limbaga, nga dako ang ikatabang sa mga donations alang kanila nga mga nabiktima.
Dugang pamahayag ni Chaiman Jose Limbaga nga labing daghan na usab silag nadawat nga mga tabang sa gobyerno og mga pribadong indibidwal sama sa pagkaon og tubig apan labing gikinahanglan nila karon nga mapailawom sa stress debriefing ang mga biktima.
Matud niini nga anaa pa sa state of shock og nakasinati gyud og trauma ang daghang mga biktima hain uban kanila kanunay nga mataranta sa higayon nga dunay afterschocks hinungdan nga mas maayong matan-aw gilayon ang ilang kahimtang.
Sa bana-bana ni Chairman Limbaga, mukabat sa syete mil ka indibidual ang mga residenteng apektado sa barangay kisante nga nagkinahanglan og tabang.
Gawas niini aduna pay evacuees nga gikan sa laing mga sitio og barangay nga nadugang sa ilang ihap.
Luyo sa maong sitwasyon nalipay ang opisyal tungod wala sila mapasagdan tungod sa daghang mga tabang nga nakaabot kanila.(Jordan Britos)
