Gikan sa kamad-an ngadto sa kadagatan.
Gida na usab sa kapolisan ang one time bigtime operation niini sa kadagatan sa lalawigan sa Sugbu.
Ang Police Regional Office -7 nakigtambayayong sa Philippine Coast Guard, Philippine Navy, ug Bureau of Fisheries and Acquatic Resources-7 sa paglusad sa gitawag niini ug “Oplan Alon” , usa ka anti-illegal fishing operation .
Subay niini , 17 ka mga mananagat ang nadakpan tungod sa kalapasan sa mga balaud batok sa ilegal nga pagpanagat .
Apil sa nasakmit sa operasyon mao ang duha ka dinamita , Granada , armas ug pukot nga gidili sa balaud , mga compressor ug ubang kagamitan sa ilegal nga pagpanagat .
Si PRO-7 Director, Chief Supt Debold Sinas niuban sa operasyon human nakadawat ug impormasyon nga nagpadayon ang ilegal nga pagpanagat sa mga lungsod sa Madridejos, Bantayan ,Santa Fe, San Remegio, Daanbantayan , Medellin , Sam Francisco,Poro Tudela ug Pilar sa Camotes .
