Nasikop sa mga otoridad ang usa ka recruiter ug 16 ka mga gi-recruit niini samtang pasakay sa usa ka cargo vessel ning syudad sa Cagayan de Oro.
Ang recruiter nailang si Jerry Espinosa, 44 anyos nga taga Windward Hills, Dasmarinas Cavite.
Nasayran nga na-intercept kini niadtong Sabado, Nobyembre 10 kung asa kauban sa maong suspek ang 16 ka mga tawo nga patrabahoon niini sa Plus General Merchadise Kadiwa, Dasmarinas, Cavite isip saleswoman, salesman ug cashier.
Sa 16 ka mga na recruit niini, 11 ang anaa sa insaktong edad ug lima puros mga menor de edad.
Sa karon, naa sa kustodiya sa DSWD Region 10 ang mga menor de edad ug ang 11 gidala sa Regional Boys Town alang sa himoong imbestigasyon.
Samtang si Espinosa ang mag-atubang sa kasong paglapas sa Section 3 sa Republic Act 9208 o Anti-Trafficking Law.
