Patuloy ang pagbibigay abiso at paalala ng Dagupan City Police Office sa publiko na mag-ingat sa mga pananalisi at pagnanakaw lalo na sa mga matataong lugar.
Nililibot ng mga awtoridad ang ilang pamilihan tulad ng Magsaysay fish market at iba pang matataong lugar sa lungsod upang maiwasan ang insidente ng pagnanakaw.
Mainam kung ilalagay umano ang bag at ibang mahahalagang gamit na dala sa harapang bahagi ng katawan upang ito’y tiyak na nababantayan at masisigurong hindi madudukot.
Huwag rin umanong hayaang nakalantad ang mga cellphone, wallet, bag, at iba pang gadget lalo na sa mga pampublikong lugar.
Bukod dito, iginiit din na bukas ang mga himpilan ng kapulisan sa Dagupan City para sa mga nais magdulog ng reklamo at magsumbong ng mga kahina-hinalang aktibidad. |𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
Facebook Comments
