Davao City – Nagpadayon karon ang ginahimong inspeksyon sa mga pasahero ug bus units sa gilusad nga Oplan Biyaheng Ayos Undas 2021 sa pagpanguna sa Land Transportation Franchising and Regulatory Board (LTFRB)-XI.
Kini gilusad sa pagsegurong hapsay ang biyahe padulong sa Undas kun Kalag-kalag ilabi na panahon ning pandemya hatud sa Coronavirus Disease 2019 (COVID-19).
Kagahapong adlawa (October 29, 2021), muabot na sa 135 ka pasahero ang na-assist ug na-inspect sa Help Desk nga nahimutang sa Davao City Overland Transport Terminal (DCOTT). Samtang, 15 ka bus units ang na-inspeksyon sa Traffic Inspection Team.
Gipanawagan sa LTFRB-XI ang transport operators ug commuting public nga mo-cooperate sa Oplan Biyaheng Ayos nga himuon hangtud November 2, 2021.
Una na usab nga gisulti sa DXDC RMN Davao ni Aiza Usop, DCOTT Manager hugot gihapon ang seguridad nga ilang ipatuman bisan pa man og sirado ang pipila ka mga sementeryo sa ubang mga lugar karong Kalag-kalag.
RadyoMaN Kirby Manzon
