Davao City- Wala giubos sa dakbayan sa Davao ang alert level 3 nga status ug mas gihugtan pa karon ang pagbantay sa mga entry points ug public places human sa nahitabong pagpamomba sa Tulunan, North
Cotabato.
Sa pakighinabi sa RMN Davao kang Davao City Police Office (DCPO) Director Police Col. Kirby John Kraft, gire-activate nila ang Oplan Davao Defense System (DDS).
“Ang concept is nito is lahat ng police stations mag-ko-conduct ng 24 hours na checkpoint for 7 days,” sumala niini.
Depende sa threat situation ug assessment sa kapulisan, pweding lugwayan ang usa ka semanang intensified checkpoints matud niini.
Nakigkoordinar ang DCPO sa uban pang mga security sectors dinhi sa dakbayan.
Nag-inspeksyon ang kapulisan sa bus terminal ug nagdeploy og EOD K9 dogs.
Gani gipahimangnuan ang tanang bus drivers sa point to point o terminal to terminal ra nga pagload ug unload sa mga pasahero.
Gidili ang pag-pick-up og mga pasahero bisan asa aron malikayang adunay mga dautang elementong makasakay nga buot muhimo og dautan pinaagi sa pagtanom og mga eksplosibo.
RadyoMaN Aimee Guinita
