General Santos City—Pormal nang nagresume ang Oplan Double Barrel sa PNP dinhi sa Rehiyon-12, kini ang gikumperma ni Police Chief Inspection Aldren Gonzales, Spokesperson sa Police Regional Office-12.
Sumala ni Gonzales nga sa nakalabayng simana nagpahigayon ug command conference sa PRO-12 uban ang mga Provincial ug City Directors ug mga hepe sa nagkandaiyang mga units sa kapulisan diin gihisgutan ang subling pagsugod sa Oplan Double Barrel nga programa ni Pangulong Rodrigo Duterte batok iligal nga droga.
Usa sa mga kamanduan ni Pro-12 Regional Director CSUPT Marcelo C. Morales nga dapat pili ang mga maglangkob sa pagpatuman sa Olpan Double Barrel. Kinahanglan dunay kridibilidad ug maayong record sa PNP.
Gipaniguro usab ni Gonzales nga dili sama sa mga nakalabayng pagpatuman sa Oplan Tokhang nga maduguon ang ilang pagpatuman sa kasamtangan. Paningkamutan matud pa sa kapulisan sa rehiyon nga walay kinabuhing makalas sa ilang kampanya batok iligal nga droga.
