General Santos City— Nagpahigayon ug oplan galugad ang hini-usang pwersa kapulisan, PDEA 12 ug BJMP sa South Cotabato Provincial Jail alas 6 pasado ang takna sa buntag.
Sumala kang Police Senior Superintendent Joel Limson, Provincial Director sa South Cotabato Provincial Police Office nga ubay-ubay ang mga narekober sa maong operasyon.
Sama nalang matud pa sa mga hait nga hinagban ug uban pang illegal nga kontrabando nga hugot nga ginabawal sa maong pasilidad.
Dugang pamahayag ni PSsupt limson nga dili gyud malikayan nga adunay marekober nga mga kontrabando gumikan pipila usab ka bulan nga walay galugad nga gihimo sa maong pasilidad.
Sumala niya nga naandan na gyud sa mga piniriso ang paghimo ug mga kontrabando kung asa ilahang ginalikayan nga kini magamit sa dautan higayon nga adunay kasamok nga mahitabo sulod sa maong pasilidad.
Samtang gibutyag ni Juan Lanzaderas, Jail Warden sa South Cotabato Jail nga sagad sa ilahang mga narekober mao ang mga improvised nga hinagiban.
Kung asa gibutyag niini nga gumikan sa nagapadayong construction sa maong pasilidad, dili gyud malikayan nga adunay mapunit ang mga piniriso sama sa kabilya ug kutrasa nga maoy ginahimong improvised nga kutsilyo.
Pagpaklaro man usab niya nga gawas sa ga kontrabando, nagnegatibo matud pa sa illegal nga groga ug drug paraphernalia ang south cotabato provincial jail.
Dugang pamahayag ni Lanzaderas nga dili kini ang unang higayon nga nagnegatibo ang provincial jail sa gihimong oplan galugad.
Apan iyahang gi-angkon nga adunay mga narekober sa mga nanglabay nga mga binulan nga illegal nga droga nga ginapaagi sa mga pagkaon nga dala sa nga dalaw.
