Ha gindumara nga simultaneous Oplan Galugad ha bug-os nga Region 8 ha mga presuhan dida han nakalabay nga semana kun diin narikupo han mga kapulisan an mga kontrabando ngan mga kagamitan sugad nala han TV, mga magtarom nga butang, mga gadgets, cellphones, laptop, mayada gihapon karaoke set, drones ngan iba pa.
Diri man mabaton han mga Jail Warden ha kada selda ha Rehiyon kun kayano nakakasakob ini nga mga kagamitan ha mga presuhan nagpatapod naman hi PCSupt. Gilbert Cruz, PNP Regional Director nga magdududmara an PNP hin simultaneous Oplan Galugad kaduduha ha kada usa ka bulan.
Kwestyunable la gihapon para kan RD Cruz ini nga mga dagko nga kagamitan nga nakakasulod ha mga presuhan.
May nakarawat liwat nga impormasyon hi PCSupt Cruz nga nahadlok na an mga preso ngan nanhihipos na daw hin mga gamit kay bis ano nga oras ngan adlaw magdudumara an PNP hin Oplan Galugad.
Panuyo yana han mga kapulisan nga limpyuhon iton mga selda kay usa ha mga rason kun kayano may nagpapakagawas ngan may nagpapakasakob nga illegal nga droga tungod han mga preso ngan may resource person nga aadi ha gawas.
