Sarangani Province—Nag negatibo ang gihimong regular nga Oplan Galugad sa Maitum Municipal Police Station kagahapon sa buntag sa ilang silda.
Sumala ni Police Sr. Inspector Rodel Javison, Hepe sa Maitum PNP nga wala silay nakompiskang kontrabando ingon man iligal nga druga sa silda sa ilang inmates.
Tungod niini mapasalamaton ang opisyal tungod ginasunod gyud sa ilang mga preso ang mando nga bawal ang pagsulod ug unsa mang kontrabando sa silda.
Dugang pagbutyag ni Javison nga nahimong dakong bintaha ang regular nilang pagpatuman ug oplan galugad sa ilang silda. Tungod niini nahadlok ang mga preso nga magpalusot ug unsa mang kontrabando sa ilang lock-up cell.
Samtang gawas sa oplan galugad ginanakumusta usab nila ang sitwasyon sa mga preso ingon man ilang ginaupdate ang ilang mga kaso. Tungod niini dili na matud pa makahuna-huna ang mga piniriso sa pagikyas gikan sa prisuhan.
Courtesy to: Maitum Mps Pcr
