Pagadian City – Surprisa nga gipahigayon kagahapon sa kapulisan ang Oplan Galugad dihang dapita sa Pagadian City Jail nga nahimutang sa Brgy. Lenienza ning syudad alas 9:00 sa buntag , halos duha ka oras ang pagsuta ug pag-utingkay sa kapulisan sa mga selda nga gi-okupar sa mga lalaki nga piniriso.
Sa susamang oras usab gihimo ang Oplan Galugad sa mga lawak sa kababayen-an nga piniriso diin ang nihimo niini mga babaye usab nga mga pulis nga gipangunahan ni PSI Tessette Padua gikan sa City PNP.
Kini ang binulan nga kalihukan sa City Jail alayon sa pagsunod ug pagsuporta ni Pangulong Rodrigo Duterte sa pagsanta sa mga kontabando ug gidili nga mga butang nga mosulod sa selda.
Sa aktibidad kagahapon wala makahipos ang otoridad ug mga gidili nga butang gikan sa silda sa babaye ug lalaki nga priso.
Photo Courtesy to Pulis Pagadian
