Davao City – Maglusad og pulong ang Land Transportation Franchising and Regulatory Board (LTFRB) Davao ngadto sa mga operators sa van ug jeepney drivers kansang nagpositibo sa PDEA Oplan Harabas niadtong niaging semana.
Matud ni LTFRB-Davao OIC Regional Director Cattleya Acaylar nga adunay hearing nga mahitabo aron masusi kung nganong adunay mga drivers nila ang lango sa droga.
“Pa-explain-on nato sila, naa man tay due process, naa tay notice and hearing lantawon nato kung aware sila, kung aware naay penalty. Last time katong ato silang gipatawag ang ilahang gibuhat gi-terminate dayon nila ang ilahang mga drivers ug naay uban voluntarily nag-resign na ang mga drivers,” segun ni Acaylar.
Gipasidad-an ni Acaylar ang tanang mga operators nga metikulusong pilion ang mga drivers nga ilahang pasudlon ug batasanon ang pagpahigayon og drug test tungod kay mga kinabuhi ang ilahang gidala diha sa kadalanan.
Matud ni Acaylar gi-blocked na nila ang mga drayber nga nagpositibo sa drug test sa public utility vehicles driver’s data ug samtang wala pa sila na-rehab gi-ban sila sa pagmaneho.
RadyoMaN Aimee Guinita
