‘Oplan Kalinaw’ ug ‘Oplan Lambat Bitag Sasakyan’ gipahigayon

Davao City – Arestado ang tulo ka mga wanted persons atol sa gilusad nga Oplan Kalinaw sa San Pedro PNP.

Ang mga nadakpan giila nga mao sila Allan Olaer nga dunay kasong kalapasan sa RA 6425, Jenelyn Salce nga dunay kasong paglapas sa SSS law ug Christopher Goles sa kasong physical injury.

Subay niini, 238 ka mga indibidwal ang gipailawom sa profiling diin nasuta nga 203 kanila ang adunay ID samtang 35 ang wala gipresenta nga ID sa kapulisan.


Sama sa naandan, nagpahigayon usab og libreng check up ang awtoridad diin 108 ka mga residente sa Purok 12 Kasilak Bucana Barangay 76-A ning syudad ang nakabenepisyo niini.

Sa pikas bahin, 20 ka mga motorsiklo usab ang naisyuhan og citation ticket atol sa gilusad nga oplan lambat bitag sasakyan alas-2:30 sa kahaponon sa dalan San Rafael, Bacaca, Barayco, Bankerohan ug Bucana.

Nahuman ang maong operasyon alas 5:00 ang takna sa hapon.

RadyoMaN Don Pulayao

Facebook Comments