Roxas City, Capiz- Duha ka mga kalan-an nga nahamtang sa Brgy Baybay, Roxas City ang ginserbehan snag closure order sang mga Bureau of Internal Revenue bangud sa kapaslawan sa pagbayad sang nagakaigo nga buhis. Ini ang ginalakipan sang El Maria’s Palabok House and Resto kag RML Manokan Haus. Ginpahayag ni BIR Revenue District Officer Nelia Demalata, “under declaration of sales” ang amo nga mga establisemento kun sa diin masobra 30 porsyento nga mas manubo ang deklarasyon sang ila kita. Samtang ang El Maria’s Palabok House and Resto ang napaslawan sa pagparehistro sang VAT. Suno diri nga antes ang tanan, ginpaidalom anay sa surveillance ang duha ka mga kalan-an. Ginpahayag dugang ni Demalata nga temporaryo lamang ang closure order bangud kun makabayad na ang mga ini sa ila balayran nga buhis, mahimo na sila nga maka-operate. Samtang kalakip sa nag-upod sa pagserbe sang closure order amo si BIR Assistant Regional Director Rodrigo Revamonte.
