General Santos City—Gipaniguro karon ni P/Col Aden Lagradante ang City Director sa General Santos City Police Office nga dili ningas kugon ang GSCPO sa ilahang gipahigayon nga pag-emplementar sa oplan kapanalig sulod sa lima ka adlaw kung diin gina-implementar sa kapulisan ug ubang ahensya sa goberno ang mga ordinansa sa syudad.
Sumala pa ni P/Col Lagradante nga sa nahimo nilang lima ka adlaw nga operasyon ubay-ubay usab ang nasikop hilabi na ang mga naga panigarilyo, nagalakaw sa dalan nga walay sanina, naga-inom sa kilid sa kadalanan ug ang pag rescue sa mga minor de edad nga anaa pa sa gawas sa dis oras sa gabie.
Dugang pa niini nga sa unang adlaw matud pa sa ilahang emplementasyon gatusan ka mga violator ang nadakpan apan sa mga nag sunod matud pa nga adlaw nag hinay hinay kini ug ubus ang ihap sa mga nadakpan pasabot matud pa nga epektibo ang ilahang operasyon tungod kay napabati nila sa katawhan ang ilang presensya.
Target matud pa sa GSCPO nga wala na silay madakpan nga mga violators sa mga musunod nga mga adlaw pasabot nga nagmatuto na ang mga Generals.
Samtang human matud pa sa oplan kapanalig nga ginabuhat sa city headquarters munaog na usab kini sa mga estasyon ug adlaw adlaw nga buhaton sa kapulisan.(Dave Silagan)
