*General Santos City— Posible matud pang himuon matag bulan ang Oplan Kapanalig nga ginahimo sa Gensan City Police Office kung asa usa kini sa mas gipakusgang kampanya batok kriminalidad.*
*Sumala ni Pol Col. Aden Lagradante, City Director sa Gensan City Police Office nga pinaagi sa oplan kapanalig, maghimo kini ug dalan alang sa mas maayong operasyon kaabag ang managlahing law enforcement unit.*
*Saysay niya nga ang maong programa ang makahatag gyud ug dakong epekto sa kumyunidad hilabina sa hisgutan ang peace and order.*
*Dugang pamahayag ni Pol. Col. Lagradante nga dako ang epekto sa maong oplan kapanalig sa usa ka kumyunidad hilabina kung magpakabana ang katawhan.*
*Dako matud pa kining tabang aron nga mapugngan ang kinsa mang buot nga mahimong mga kriminal o ang mga adunay planong dautan.*
*Usa usab kini sa mga pamaagi aron makit-an sa katawhan nga adunay ginahimo nga trabaho ang kapulisan aron nga mapabilin ang kalinaw sa ilahang mga ginsakupan.*
