Zamboanga del norte-Padayon karon ang ginahimong “Oplan Katok, Balik Baril” sa mga kapulisan dinhi sa probinsya sa Zamboanga del norte.
Kini aron masiguro nga ang tanang armas nga gihuptan sa mga pribadong tawo ang adunay igong legal nga papeles samtang anaa sa ilang kustudiya.
Pipila na ka bulan ang milabay ning tuiga, ubay-ubay na ang mga armas ang temporaryong gi tahan sa buhatan sa kapulisan sa nagkadaiyang kalungsuran ning probinsya.
Kanunay usab nga nag awhag ang Regional Civil Security Unit-9 (RCSU-9) nga kun napaso na ang lisensya sa armas, gilayong i proseso ang pag renew aron sa ingon nga dili na magka problema sa umaabot nga panahon.
Hinuon kadtong mga naghupot ug armas nga wala nag pa renew ginabisita usab sa kapulisan aron hangyoon nga i surrender una ang armas ug hingpit lang makabalik sa tag-iya kun mahuman na sa pag proseso sa mga papeles.
Samtang walay dagkong panghitabo sulod sa 24 oras sa tibuok probinsya gawas lamang sa mga petty crimes apan dili kini maka patandog sa kahapsay ug kalinaw sa probinsya sa Zamboanga del norte.
