Sa interbyu sa DXDC RMN Davao kang Brgy. Calinan Kapitan Urcisio Ungab, gisulti niini nga suportado niya ang Oplan Katok apan sa karon wala pay nadawat ang barangay nga memorandum gikan sa Police Regional Office (PRO-Xl).
Segun ni Ungab, sa wala pa gisugdan ang Oplan Katok aduna nay duha ka team nga gitahasan sa pag inspeksyon sa bao-bao ug bag-o lang nahuman sa pag inspeksyon ang Barangay Calinan diin gisugdan na sab ang Barangay Baguio District alang sa himuong inspeksyon sa mga ombak sa maong lugar.
Gipasabot sa opisyal, dako og tabang ang himuong Oplan Katok sa SITG Bragas sa matag barangay aron nga ma-identipika ang ombak trike nga gisakyan sa wa mailhing mga suspetsado.
“Ok ra kaayo maglusad og Oplan Katok para matabangan sab ug masulbad ang kaso ni Bragas… Akong mensahe pud sa mga kapitan nga mosuporta ‘ta. Atong tabangan kun naa tay ma hearingan diha, dili ‘ta magpabuta-bungol, tabangan nato ang gobyerno, ang PNP ug SITG nga para gyud makuha ning ombak nga gigamit sa krimen,” sulti ni Kapitan Ungab.
RadyoMaN Don Pulayao
