Davao City – Nanghinaut ang Bureau of Fire Protection (BFP) nga makunhuran ang mga insidente sa sunog dinhi sa dakbayan sa Davao sa gipahugtang kampanya sa buhatan.
Sa pakighinabi sa DXDC RMN Davao kang SFO3 Ramil Gillado tigpamaba sa Davao City Central Fire District, gibutyag niini nga gisugdan na ang programa sa BFP nga ginatawag nga Oplan Ligtas Pamayanan diin gihimo usab kini sa tibuok nasud.
Saysay ni Gillado nga bag-ohay pa lamang, gi-seminar sa Davao City Fire District ang mga personahe sa 12 ka mga fire stations sa syudad. Kini aron mapahugtan pa kampanya batok sunog sa ilang tagsa-tagsa ka mga area of responsibility.
“Gipatawag nato ang ilang mga fire martials, ilang mga personnel alang sa seminars para at least mapa igting pa gyud nato ang pag conduct og fire safety awareness sa ilang tagsa-tagsa ka AOR.”
Nasayran nga gikan sa bulan sa Enero hangtud karong Marso ning tuiga, miabot na sa kapin 100 ang natalang insidente sa sunog, diin mas taas kini kung itandi sa susamang panahon sa milabay nga tuig.
RadyoMaN Kirby Manzon
