Roxas City, Capiz – Ginpatigayon kahapon nga adlaw sang pamunoan sang BJMP-Roxas ang Oplan Linis Piitan sa Roxas City Jail nga nahamtang sa Brgy San Jose sining syudad.
Ini ang ginpamunoan ni City Jail Warden Jail Chief Inspector Richard Servano kaupod ang deputy nga si SJO4 Josue Maria Estorque. Yara man ang presensya sang mga katapo sang RCPNP sa pagpanguna ni Police Senior Inspector Erica Apellido.
Gingalugad sang mga ini ang selda sang mga inmates kun sa diin wala naman sang may nakuha nga kontrabando kaangay sang pusil, ilegal nga druga ukon ukon mga patalom.
Samtang ginkumpiskar naman ang pila ka mga pointed objects kaangay sang mga ballpen, toothbrush kag iban pa.
Katuyoan sang regular nga pagpatigayon sang Oplan Galugad ukon Oplan Linis Piitan amo nga mapabilin kag matsekyar sang BJMP nga wala sang may nagalusot nga mga kontrabando pasulod sa amo nga pasilidad.
photo © Roxas City PCR
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
