Davao City – Dugang sa mga kampanya batok iligal nga buhat sama sa krimen ug pagkalambigit sa iligal nga droga, gimugna karon sa Regional Mobile Force Battalion 11 (RMFB XI) ang Oplan Mapayapa nga laumang mahitabo sa mga mosunod nga adlaw.
Sumala ni RMFB XI Commander Police Supt. Maximo Sebastian nga usa kini ka inter-agency operation nga gilangkuban sa nagkadaiyang ahensiya sa gobyerno lakip ang mga media gani inubanan kini sa katumanan sa balaud, mga ondinansiya ug traffic codes.
Dugang ni Sebastian, nga sama kini sa Oplan Kalinaw apan ang kalahian lang mao nga one time big time kini nga operasyon inubanan sa 311 ka mga Mobile Force sa Battalion 11.
Gani unahan og lusad ang maong operasyon dinhi sa syudad sa Davao dayon mosunod sa kasikbit nga mga probinsya.
RadyoMaN Jason Amisola
