General Santos City— Gipasigarbo ni Police Senior Superintendent Raul Supiter, City Director sa Gensan City Police Office nga mi-ubos gyud ang krimen sa dakbayan pinaagi sa Oplan Mapayapa.
Sumala niya pinaagi sa maong programa na-maximize ang pwersa sa kapulisan, militar ug uban pang ahensya sa gobyerno.
Pamahayag niini nga tanang may violation sa balaud ang ilaha gyud nga nasikop gikan sa sugal, traffic violation lakip na ang mga makit-ang anaa sa dalan panahon sa curfew hours.
Dugang pamahayag ni CD Supiter nga aduna gyu’y maayong resulta kung daghang ahensya sa gobyerno ang magtinabangay aron mabatukan ang kriminalidad.
Bisan matud pa ug natapos na ang pito kaadlaw nga oplan mapayapa sa gensan, ilaha kining ipadayon gumikan sa maayong resulta.
Kung asa anaa man ang presensya sa Joint Task Force Gensan, CSWDO ingon man LTO ug DOH nga andam mutabang kanila. Gawas matud pa sa pagpanakop, anaa man ang mga serbisyo sa gobyerno rason nga adunay ubang ahensya nga naga-uban kanila.
