General Santos City–Mga bayolasyon sa trapiko maoy sagad madakpan sa nagpadayong implementasyon sa General Santos City Police Office sa ilang “Oplan Mapayapa”, kini ang nahimong pagbutyag ni Police Senior Supt. Raul Supiter, PNP City Director sa Gensan City Police Office.
Sumala pa ni Col. Raul Supiter nga halos matag gabie nila gihimo ang check point sa nag-unang kadalanan sa syudad ug sa ilang mga pagpatrolya, dili gyud mawala ang madakpan nga naga byahe nga mga motorista nga daghan ug bayolasyon sa balaud trapiko sama nalang sa wala pagsul-ob ug helmet, expire nga mga rehistro, mag maniho nga walay lisensya ug uban pa.
Dugang pa ni Col. Supiter nga gawas sa mga bayolasyon sa trapiko daku usab ug epekto ang “Oplan Mapayapa” sa kalinaw sa syudad hilabi na ang pagkontrola sa mga Children at Risk nga lambigit sa rumble sa pipila ka lugar sa syudad.
Pinaagi matud pa sa maong programa marescue ang mga nasangpit ug malayo sila sa piligro.(Dave Silagan)
