Davao City – Nakalatag na ang seguridad sa Davao Region alang sa entero summer vacation.
Gibutyag ni Police Regional Office XI Spokesperson PCI Milgrace Driz nga maximum deployment lakip na mga dugang pwersa ang magbantay sa rehiyon subay sa ipatumang Oplan Summer Vacation (Sumvac) alang karong summer ug Semana Santa.
Gipaniguro sa kapulisan sa rehiyon nga daghang pulis ang gabantay ug magpatrolya sa mga simbahan, bus terminals, pantalan, airport pati na ang mga beach resorts nga dagsaon sa mga bakasyunista.
Pahimangno ni Driz sa tanang mga draybers nga una man mubyahe siguraduhong walay mga deperensya ang mga sakyanan ug anaa kini sa kondisyon.
Dili usab magmaneho nga hubog aron dili madisgrasya.
Matud ni Driz una manlakaw sa mga panimalay lantawon kung nakakandado kini og tarong aron walay makahigayong mga kawatan.
Dili usab pasagdan ang mga appliances ug palongon gayod ang mga plangka kung manglakaw man aron makalikay sa sunog.
RadyoMaN Aimee Guinita
