Pareho nga napatay ang tricycle driver kag ang pasahero sini matapos lasakon sila sang cane truck sa bahin sang barangay Quinagaringan Pequenio, Passi City mga alas 11 kahapon sang aga.
Gindeklarar nga dad on arrival sa Passi City District Hospital ang mga biktima nga sanday Remuel John Labordo, legal ang pang-edaron sang Lambunao, Iloilo , driver snag tricycle kag ang wala pa makilala nga pasahero sini.
Ginpahayag ni Supt. Norberto Delmas, hepe sang Passi City PNP nga natabu ang aksidente samtang nagabiyahe padulong sa banwa sang Calinog ang cane truck nga ginamaneho ni Wilfredo Araquil, 65 anyos sang San Rafael, Tapaz, Capiz sang ginwarik sini pawala ang iya manibela kag nabungguan sini ang tricyle.
Wasak ang tricycle kag lunsay pilason ang driver nga si si Labordo kag ang pasahero sini kabangdanan dali-dali nga gindala sa ospital apang wala na makalab-ot nga buhi.
Samtang yara na sa custody sang Passi City PNP ang driver sang truck matapos magsurrender kag pagapasakaan sang nagakaigo nga kaso.
