Pagadian City – Human gipatik diha sa Social Media sa usa ka netezen ang pait nga kahimtang sa mag-amahan nga Virgilio ug Junrey Bayot nga taga- Purok Camates, Brgy. Lumad niining syudad sa Pagadian largong nanawagan ang RMN-DXPR ug iFM og tabang ngadto sa mga ka-RadyoMaN nga tigpaminaw alang sa pagtubag sa panginahanglan sa masakiton nga pamilya.
Human sa tulo ka adlaw nga panawagan nidagsa sa estasyon ang daghanang tabang sama sa sinako nga bugas, delata nga pagkaon, noodles, vitamins, personal nga gamit ug cash nga mosubra sa 9,000 ka pesos.
Uban sa tabang sa 1st Field Artillery Battalion (1st FAB) ug 1st Cavalry Tagapanguna Battalion gibyahe ang mga gidonar nga hinabang ug gibaktas ang lapukon ug hilit nga lugar aron matunol sa pamilyang Bayot ang nagkadaiyang hinabang.
Nasurpresa ang pamilya nga benepisyaryo sa daghanang gasa nga hinatag sa mga tigpaminaw nga gigasahan.
Gumikan niini nakahilak sa kalipay ang gibisita nga mga masakiton.
Ang managsunod nga pasalamat sa pamilya nga nag-ilaid sa kalisod ug balatian nga inyong natabangan mga Ka-RadyoMaN.
