TACLOBAN CITY – Nagtikang na an Tacloban City Police Office ha pagpatuman han Oplan Tokhang part two matapos gin-balik na liwat ha mga kapulisan an gahom ha programa kontra illegal nga droga.
Sumala kan PCInsp. Rex Cantillep, tagapagyakan han TCPO, mas direkta nga paghangyo ha mga drug personality an magiging pamaagi han mga kapulisan ha oplan tokhang part 2. Nangangaruyag signgon kun may newly identified drug personality nga masipatan an Barangay Anti-Drug Abuse Council (BADAC) o kapulisan in deretso nga kakadtuon an iya panimalay.
Dugang pa han opisyal, labot la han mga newly identified drug personalities in utro liwat nga kakadtuon han mga kapulisan an lakip ha drugs watchlist nga waray sumurrender nga bumalik na liwat ha paggamit han illegal nga droga.
Pahimatngon pa han opisyal, nga mapukos yana an TCPO nga magkamayada hin reporma ngan makatagamtam hin livelihood program o skills development training agud diri na bumalik an mga masurrender ha illegal nga buruhaton.
