Roxas City, Capiz – Magapatigayon sang duha ka adlaw nga Special Recruitment Program (SRP) ang Technical Education and Skills Development Authority (TESDA) sang Capiz pinaagi sa Jobs Bridging Program subong nga adlaw, Pebrero 9, sa Villareal Cultural Center sa banwa sang Mambusao kag sa Pebrero 10 sa Civic Center sa banwa sang Dumalag.
Kapin 4,000 ka mga construction workers nagikan sa probinsya sang Capiz ang kinahanglanon sang isa ka dako nga kompaniya sa pungsod para magtrabaho para sa “Build, Build, Build” nga programa sang gobyerno.
Suno kay TESDA Capiz Director Abdel Bakhri Hajan nga ang nasambit nga makuha nga construction workers ang magatrabaho sa mga proyekto sang gobyerno sa Metro Manila.
Suno pa sa iya nga sang 2018, kapin sa 1,000 ka mga indibidwal ang nakatigayon nga makatapos sang training sang TESDA para sa construction sector.
Gin-agda naman sini ang mga interesado sa pagpadulong sa nasambit nga mga lugar para makakuha sang sigurado nga trabaho.
Mangin dinapit nga taghambal sa pagbukas sang programa si House of Representative Majority Leader Fredenil Castro nga amo man ang kongresista sang ika-duha nga distrito sang Capiz.
photo © PIA-Capiz
via- PIA-Capiz
