Ginpahayag ni Communications Secretary Martin Andanar nga wala sang problema pananglitan kuwestyunon sa Korte Suprema sang mga katapo sang oposisyon sa Kamara ang ratipikasyon sang Tax Reform for Acceleration and Inclusion ukon TRAIN bill.
Una diri, nag-angal si Bayan Muna partylist reprsentative Carlos Isagani Zarate sang Makabayan bloc sa ginapahayag ginhimo nga railroading sang Kamara sa pagratipika sang nasambit nga hagna sang mga kaalyado ni Pangulong Rodrigo Duterte.
Madumduman nga sa katapusan nga adlaw sang session sang lower house antis ang Christmas break, ginratipikahan sang majority bloc sang duha ka panalgan sang kongreso ang TRAIN bill sa pihak sang pagpamatuk bangud sa kakulang sang quorum.
Una na nga ginpahayag ni Zarate nga “anti-people” ang pag-aprobar sa hagna.
(photo from web)
