Davao City – Giawardan ni Presidente Rodrigo Duterte ang duha ka mga sakop sa militar kinsa malampusong nakaipsot sa kamot sa mga New People’s Amry (NPA) nga nidagit kanila niadtong June 10 sa Crossing Pising, Prk. Dalia, Brgy. Buso, Mati City Davao Oriental.
Gitunol sa pangulo kang Cpl. Johannes Parreño ug CAFGU Active Auxiliaries (CAA) Dindo Sagayno ang Order of Lapu-Lapu, Rank of Kamagi atol sa ika-12 nga anibersaryo sa Eastern Mindanao Command sa Naval Station Felix Apolinario, Covered Court, Panacan, Davao City.
Kahinumduman nga unang nakatakas ang CAFGU nga si Sagayno niadtong July 6 atol sa nahitabong gyera tali NPA ug sundalo samtang si CPL Parreño kinsa giestudyuhan og maayo ang iyang pagikyas ug nakasibat usab sa mga NPA nga nagbantay kanila niadtong August 17 sa gabie diin duha ka bulan kapin isip nahimong bihag.
Gipasidunggan usab ang pipila ka mga military personnel, civilian personnel, mga EMC units ug Regional Peace and Order Council chairpersons sa nagkadaiyang mga rehiyon partikular na si Davao City Mayor Inday Sara Duterte ug gidawat kini ni Public Safety and Security Command Center chief Benito de Leon isip representante sa alkalde sa maong seremonyas.
RadyoMaN Aimee Guinita
