Gipasabot karon sa katawhan sa siyudad sa Malaybalay ilabi na sa mga magtiayon nga padayon pang ginatun-an sa konseho sa Malaybalay uban ni City Mayor Atty. Jay Warren R. Pabillaran ang ordinansa nga maghatag og 50 mil ka pesos ngadto sa mga magtiayon nga milungtad sa 50 ka tuig ang panag-ipon.
Sa interview sa RMN Malaybalay ngadto kang Ex Officio Councilor, Casisang Barangay Captaion ug ABC President Bonifacio Valiente, gibutyag niya nga padayon pa nga ginadiskusyohan ang maong ordinansa tungod kay aduna pay mga kakulian niini.
Apan giklaro nga wala kini nahimong hingpit nga ordinansa tungod kay wala ang pirma sa mayor niini.
Sa maong ordinansa, ang mga mag 50 katuig nga milungtad sa kaminyoon maoy makadawat sa maong kantidad sa kwarta apan ang mga milapas na sa 50 ka tuig sa wala pa hingpit nga nahimong balaod dili na makadawat.
Gikinahanglan matud pa nga ikonsidera ang maong sitwasyon maong hangtud karon wala pa kini naaprubahan sa opisina sa mayor ning siyudad.
Facebook Comments
