Padayon nga gipatuman sa siyudad sa Malaybalay ang City Ordinance 928 nga nagmando sa pagsuot ug facemask ug ubang pang susamang protective equipment.
Sa interview sa RMN ngadto kang City Councilor Atty. Rendon Sanggalang gibutyag niini nga napasa ug naaprubahan na usab ang City Ordinance No. 951 nga nag-amyenda sa mga silot ug multa sa madakpa’ng nakalapas o naka-supak sa wearing of face mask.
Sa first offense, adunay multa nga Php 2,500 o 8 ka oras nga Community service. Sa ikaduhang pagsupak, adunay multa nga Php 3,000 o 16 ka oras nga community service. Samtang ang third offense adunay multa nga Php 5,000 o 24 oras nga community service.
Matud ni Konsehal Sanggalang nga gawas sa mga kapulisan, e-deputized usab ang mga barangay kapitan ug ilang mga chief BPSO aron maoy mupatuman sa mao nga ordinansa.
Istriktong ipatuman ang mao nga ordinansa karong adlaw nga Lunes, Oktubre 19, 2020.
