Kalibo, Aklan — Ginapabaskog makaron it Department of Agriculture (DA)-Aklan ro organic farming.
Sa makaron suno kay Aklan Sangguniang Panlalawigan Committee on Agriculture Chairman SP member Emmanuel Soviet Russia Dela Cruz, una sanda sa proseso it pagbakae it solar lamp with fan.
Base sa eksplekasyon ni SP Dela Cruz, ro solar lamp ngara hay iga instular sa mga eanas nga magaserbing daeapuan it mga sapat-sapat kon siin ro fan o ventilator imaw ro magaserbing taga higop sa mga insekto sa eanas paagto sa insects bag.
Rayang teknolohiya suno kay SP Dela Cruz hay alternatibong pagsugpo it mga sapat-sapat sa eanas para malikawan it mga mangunguma nga maggamit it synthetic nga pestesidyo ag abono.
Samtang suno kay Salome David, Provincial Agriculturist, rong masami ng paggamit it synthetic fertilizer nagatuga it pag aeat it eugta nga maging dahilan ko paghina it tubo ko mga pananom. Samtang mabalik mat-a ro pagkabuhi it mga isda sa eanas kapareho it pantat, butot ag iba kon likawan it mga mangunguma ro paggamit it pesticide o insectide.
