Organized group utok sa serye sang motornapping sa South Cotabato.

Ginapatutukan ni Police Senior Supt. Joel Limson, Provincial Director sang South Cotabato Police Provincial Office sa mga Chief of Police sa probinsya ang serye sang motornapping sa diin tatlo ka motorsiklo naman ang biktima, isa dire sa syudad sang Koronadal, samtang duha naman ang sa banwa sang Banga.
Dugang pa sang opisyal, ginpatawag niya na ang duha ka hepe sang amo nga police station agud mahibaluan ang tikang nga ila sini pagahimuon para madakpan ang mga kawatan.
Samtang, posible may pagapasakaan na sila sang kaso sa banwa sang Banga nga amo ang nagkuha sang motorsiklo.
Dati na mga grupo sang mga kawatan ang liwat na naman nga nagapangataki sa subong sang mga motorsiklo sa probinsya kag iya suno pa ini ginapatutukan sa mga kapulisan.
Sa pihak nga bahin, nagapabilin nga hugot ang ginapatuman nga checkpoint operation sa mga dalanon agud nga makabulig suno pa nga madakpan ang mga kawatan sang motorsiklo.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>