Malaybalay City, Bukidnon – Ipahigayon karon Enero 15, ning tuiga ang usa ka orientation alang sa Kaamulan 2018 foodfest, bazaar ug vendors.
Kini subay sa ipahigayon nga Kaamulan 2018 nga pagahimuon karong bulan sa Marso 1 hangtud 23, 2018 pinaagi sa usa ka executive order # 21 sa Capitol Grounds, ning siyudad sa Malaybalay.
Matud ni Joe-ann Bayona, ang provincial tourism officer sa probinsya sa Bukidnon nga ipahigayon ang orientation karong adlaw nga Lunes sa ala 1:00 sa hapon sa Kaamulan Open Theater.
Alayon niini, giawhag sa PTO ang tanang Kaamulan concessionaires sa milabayng Kaamulan 2017 ug kadtong mga intresado sa foodfest, bazaar ug vendors sa pagtambong sa maong orientation.
Prayoridad matud pa ang mga concessionaires niadtong niaging tuig sa 2017.
Kung adunay masobra nga bakanteng pwesto, kini ihatag sa mga bag-ong aplikante nga taga-bukidnon.
Gahinumdom usab niini nga ang aplikasyon “personal”, ug dili pwede ang representante lamang.
