Kini alayon sa nagsingabot nga piniliay karong umaabot nga Mayo 9 ning tuiga.
Sa interview sa RMN DXMB Malaybalay ngadto kang Atty. Francisco Pobe, ang Regional Election Director sa COMELEC-10, gibutyag niini nga apil usab sa ilang gihulma karon ang komposisyon sa Board of Canvassers kon BOC’s .
Gawas niini, gibutyag ni Atty. Pobe nga kamulo usab sila og pagprinta karon sa mga listahan sa mga botante aron ilang ipaskil sa mga barangay aron masayran sa publiko kung na apil ba ang ilang mga pangalan sa mga mamahimong makabotar sa piniliay.
Matud sa Regional Election Director nga karong adlawa ipahigayon usab niya ang conference sa tanang miyembro sa “Operation Baklas” aron muhimo og pangsita ug pagbaklas sa mga campaign posters nga nakasupak sa sumbanan sa COmelec sama sa paglangsang sa mga punuan sa kahoy nga hugot nga gibawal. Samtang naghimo usab og lahogay kon reshuffling sa mga Comelec Field officials.
Pasabot ni Atty. Pobe nga ang maong pamaagi gihimo kada panahon sa piniliay aron malikayan ang pagka-pamilyar tali sa opisyal sa Comelec og mga lokal nga pulitiko.
