Wala pa sila sang nabaton nga panibag-o nga suggested retail price ukon SRP sang mga notchebuena products, suno kay Sir Elbert Capicio, Consumers Welfare Division Chief sang Department of Trade and Industry ukon DTI South Cotabato samtang papalapit ang kapaskwahan.
Ini matapos nga nagalab-ot sa masobra 100 ka mga notche buena products ang ginpahanugutan sang DTI nga magapasaka sang presyo nga ginalakipan sang hamon, fruit cocktail, spaghetti, pasta, mayonnaise, cheese kag condensed milk.
Nahibaluan nga nagalab-ot sa 2 tubtob 13 porsiyento ang isaka sa presyo depende naman sa klase, brand kag size sang produkto kapareho sang ham nga nagalab-ot sa P3.00 tubtob P20.00 ang isaka sa presyo.
Samtang ang ginakabalak-an nila suno kay Capicio nga maapektuhan ang supply sang hamon tungod sa African Swine Fever, apang sa iban nga notchebuena products ang may bastante man suno pa nga supply sa subong.
Ginkumpirmar man ni Capicio nga pipila ka prime kag basic commodities ang nauna na nga nagsaka ang presyo.
Advice niya naman sa mga bumalakal nga sikyaron man kon nakabase sa SRP ang ginabakal nga mga produkto.
