Niadtong October 20 na-finalize na ang rota sa funeral procession ni Archbishop Cardinal Vidal apan kagabii lang mihatag og bag-ong rota ang Archdiocese of Cebu. Mas taas na kini sa original nga plano.
From Cebu Metropolitan Cathedral mo-right turn padung sa P. Burgos hangtod sa Osmeña Boulevard. Unya right turn napud padung sa Colon Street. Unya right turn punta napud sa Mabini Street unya right to P. Gomez Street ug padung na gyud sa Mausoleum.
Ang remains ni Archbishop Cardinal Vidal ilubong tupad sa lubnganan ni late Cebu Archbishop Julio Cardinal Rosales.
Suma pa sa spokesperson sa Archdiocese of Cebu nga si Monsignor Joseph Tan nga giawhag niya ang mga Sugbuanon nga mobarog kilid sa mga kadalanan nga maigo sa maong funeral procession.
Kaganiha pang 12:00 midnight gisirad-an ang Cebu Metropolitan Cathedral ug ablihan ni og balik alas 7 karong buntaga. Ang misa magsugod alas 9 karong buntaga ug bisag kinsa ang pwedeng motambon apan suma pa ni Tan nga first-come, first-served basis ang sundon. Himoun ang funeral procession human dayon sa misa.
Rest in Peace, Cebu Archbishop Emeritus Cardinal Vidal. Gihigugma ka sa mga Sugbuanon ug sa mga katawhang katoliko sa nasud. Daghang salamat!
