Nangayo na ug pasaylo ang management sa usa ka pribadong tambalanan sa dakbayan sa Sugbu human ireklamo sa Philippine National Police nga nagdugay-dugay sa pag-admit sa napusilan nga pulis kung way deposito nga P10,000.
Kini maoy unod sa suwat nga gipada sa kadagkuan sa Chong Hua Hospital agig tubag sa suwat- reklamo ni Police Regional Office -7 director , Chief Supt. Jose Mario Espino batok sa maong tambalanan .
Ang legal division sa PRO-7 nagtoon sa posibling pagduso ug pormal nga reklamo batok sa ospital human giingong nagdumili ang mga staff niini sa pagpa-admit sa pulis nga si PO3 David Naraja Jr ,kay gipangayoan pa ug deposito .
Si Naraja napusilan sa murder suspek nga si Jessie Largo sa niaging semana atol sa police operationdidto sa syudad sa Talisay.
Gipadayag sa management sa ospital nga andam kining makigtagbo ngadto ni Espino aron ipasabot ang ilang habig ug masulbad ang wa pagsinabtanay dungan sa saad nga di na masubli pa ang maong insidente .
