Davao City – Nanawagan kang Pres. Rodrigo Duterte ang Nagkakaisa Labor Coalition for Mindanao nga tumanon ang iyang mga gisaad kaniadto sama sa pagpataas sa sweldo sa mga trabahante ug pagwagtang sa contractualization inay palagputon sukwahi sa gitinguha sa ubang grupo.
Sumala ni Rodel Abenoja Nagkakaisa Labor Coalition for Mindanao Spokesperson, gikinahanglan nila ang political will sa pangulo kung unsa ang iyang kaisog sa ubang isyu mao pud unta ang iyang himoon.
Nanawagan usab sila nga i-suspende una ang TRAIN Law tungod kay nakapasamot usab kini sa problema nga gisagubang sa mga tawo tungod sa taas nga presyo sa mga palaliton.
Samtang nanawagan usab si Abenoja sa ubang mga organisasyon nga nagtinguha sa pagpalagput sa presidente nga motabang aron masolusyonan ang mga problemang gisagubang sa nasod inay ang padayong panagbangi tungod sa politika.
RadyoMaN Bernard Pantallon
