DAO, CAPIZ – Isa ka unit sang bus liner nga ginapanag-iyahan sang Gold Star Transit Inc. ang aksidente nga nabunggo sa poste sang CAPELCO alas 6:10 sang aga sa may bahin sang Brgy Balucuan Dao Capiz.
Wala naman sang may seryoso nga napilasan sa sakay nga mga pasahero sang driver nga si Basillio Mission y Estorco, 46-anyos sang Caloocan City.
Nagaguha sa imbestigasyon sang Dao PNP, ginasubay sang driver ang dalan halin sa Caticlan Aklan padulong sa syudad sang Iloilo apang pag-abot sa nasambitan nga lugar hinali ini nakabati sang singgit sang mga pasahero nga may yara sang nagsigrab kabanganan nga nadulaan ini sang kontrol sa pag-apply sang preno.
Bangud nga mabasa ang dalan, nabunggo ang bus sa kongkreto antes nga liwat nabunggo sa duha ka mga motorsiklo nga nakaparking sa kilid sang dalan.
Kalakip man sa nabunggoan sini ang poste sang Capelco kag rebulto ni St. Vincent Ferrer.
Boluntaryo naman nga nagsurrender sa mga kapulisan ang driver sang bus nga si Basilio Mission.
photo ⊙ Oliver Pimentel
