Davao City – Laing mga estudyante na usab ang tunulan sa DXDC Excellence Award 2018 karong adlawa.
Itunol na sa RMN Team ang Plaque of Recognition, Medal of Excellence ug “Saludo ‘mi nimo, Kasama!” gift pack ngadto sa mga napiling magtutungha sa Kapitan Tomas Monteverde Sr. Central Elementary School atol sa ilang graduation ceremony.
Sumala ni Misel Miral, RMN Davao Special Projects head nga gikan sa top 5 nga napili sa maong eskwelahan, nagpili ang DXDC Team og duha pinaagi sa evaluation diin gawas sa ilang achievements sa academic, gi-evaluate usab ang ilang characters ug values isip mga kabataan.
Resulta sa pagkapili nila Nessa M. Doctolero ug Eddel Gwen V. Jadraque kinsa maoy atong mga awardees karong tuiga.
Sila nahimong maayong ehemplo isip mga kabataan nga nagpakita sa ilang abilidad ug gugma sa ilang pag-eskwela ug sa ilang pamilya.
Samtang karong umaabot nga adlawng Huwebes, lauman nga laing mga awardees na usab ang tunulan sa DXDC Excellence Award 2018 sa Sta. Ana National High School dinhi sa syudad sa Davao.
RadyoMaN Renz Barbarona
