General Santos City—- Gihingusgan ni Gensan City Mayor Ronnel Rivera nga dili gyud siya musugot nga bawasan pa ang ihap sa kapulisan sa dakbayan gumikan hilabihan na matud pa ka kulang ang ilahang ihap.
Sumala niya nga andam siyang muhatag ug tabang ngadto sa kapulisan apan siguron lang nga dili i-re-align ang kapulisan sa syudad gumikan dako ang mamahimong epekto niini sa pagpatuman sa peace and order.
Pagpaklaro ni Mayor Rivera nga una na niyang gihingusgan kang kanhing City Director Police Senior Superintendent Romeo Ruel Berango nga dili musugot nga bawasan ang ihap sa kapulisan sa Gensan ug susama gihapon ang iyahang hangyo ngadto sa bag-ong labaw sa GSCPO nga si Police Senior Superintendent Raul Supiter.
Facebook Comments
