Davao City – Naugdaw ang tulo ka mga tindahan human nga gilamoy kini sa dakong kalayo sa may
Phase 5 Don Julian St., Doña Pilar Subdivision, Barangay Pampanga ning syudad alas 4:50 sa hapon adlawng Martes.
Sumala ni FO3 Aris Ballarca, Fire Investigator sa BFP Lanang Fire Station nga nag-overcharge nga gisaksak nga tablet ang hinungdan sa sunog diin nagsugod kini sulod sa kwarto sa usa ka tindahang gipanag-iyahan ni Ella Mañacap.
Base sa interbyu sa mga kabomberohan kang Brixco Taboada tindero sa maong balay pamatigayon nga namatikdan niini nga gakalayo na ang mga bed sheets ug atop nga ginama sa light materials hinungdan nga paspas kining mikuyanap sa tapad nga mga tindahan.
Bandang alas 5:35 sa hapon gideklar kining fireout.
Mokabat sa P130,000 ka pesos ang estimated nga damyos sa maong sunog.
RadyoMaN Aimee Guinita
